Senior Accountant, Accountant

Description

ဤရာထူးသည် ဌာနမှူးအား တိုက်ရိုက် တာဝန်ခံ၍ ကုမ္ပဏီ၏ နေ့စဉ် စာရင်းအင်းလုပ်ငန်းစဉ်များ မှန်ကန်တိကျစေရန် တာဝန်ယူရမည့် ရာထူးဖြစ်သည်။ စာရင်းရေးသွင်းရုံသက်သက် (Data Entry) လုပ်ဆောင်သူမျိုးမဟုတ်ဘဲ Odoo ERP စနစ်ကို အသုံးပြု၍ ရွှေဆိုင်နှင့် အပေါင်ဆိုင်များ၏ နေ့စဉ်ငွေကြေးစီးဆင်းမှု၊ ကုန်ပစ္စည်းလက်ကျန်နှင့် ကုန်ကျစရိတ်များကို တိကျစွာ မှတ်တမ်းတင် တွက်ချက်နိုင်သော၊ သတိတရားနှင့် အသေးစိတ် ဂရုစိုက်နိုင်စွမ်း (Attention to Detail) မြင့်မားသူ ဖြစ်ရမည်။ ဤရာထူး၏ အဓိကတာဝန်များမှာ -

၁။ စာရင်းအင်းရေးသွင်းခြင်းနှင့် တိုက်ဆိုင်စစ်ဆေးခြင်း (Recording & Reconciliation): နေ့စဉ် အရောင်းအဝယ် စာရင်းများ၊ အပေါင်စာရင်းများနှင့် ဘဏ်စာရင်းများကို Odoo စနစ်အတွင်း အချိန်နှင့်တပြေးညီ တိကျစွာ ရေးသွင်းခြင်းနှင့် နေ့စဉ်၊ လစဉ် တိုက်ဆိုင်စစ်ဆေးခြင်း (Reconciliation) များကို လုပ်ဆောင်ရန်။

၂။ ကုန်ကျစရိတ်နှင့် ကုန်ပစ္စည်းလက်ကျန် စီမံခြင်း (COGS & Inventory Management): ရွှေဈေးနှုန်း အတက်အကျများအပေါ် မူတည်၍ ရောင်းချလိုက်သော ပစ္စည်းများ၏ အမှန်တကယ် ကုန်ကျစရိတ် (COGS) ကို တွက်ချက်ရာတွင် ပါဝင်ကူညီခြင်းနှင့် စနစ်တွင်းရှိ ရွှေလက်ကျန်နှင့် မြေပြင်လက်ကျန် ကိုက်ညီမှုရှိစေရန် စစ်ဆေးခြင်း။

၃။ အစီရင်ခံစာများ ပြုစုခြင်း (Reporting & Compliance): လစဉ် အရှုံးအမြတ်စာရင်း (P&L)၊ ငွေသားစီးဆင်းမှုအခြေအနေ (Cashflow) နှင့် အခွန်ဆိုင်ရာ ကိစ္စရပ်များအတွက် လိုအပ်သော ဘဏ္ဍာရေး အစီရင်ခံစာများကို အထက်လူကြီးထံ အချိန်မီ ပြုစုတင်ပြရန်။

၄။ စနစ်တကျ ကြပ်မတ်ခြင်း (Internal Control): ဘဏ္ဍာရေးဆိုင်ရာ စံလုပ်ထုံးလုပ်နည်းများ (SOPs) ကို တိကျစွာ လိုက်နာကျင့်သုံးပြီး ငွေကြေး သို့မဟုတ် စာရင်းဇယား ကွာဟမှုများ (Variances) တွေ့ရှိပါက အချိန်နှင့်တပြေးညီ တင်ပြဖြေရှင်းရန်။ ဆိုင်ခွဲအသီးသီးရှိ ငွေကိုင်ဝန်ထမ်းများသည် Finance ၏ စည်းမျဉ်းစည်းကမ်းများနှင့် Branch ၏ မြန်ဆန်မှုကြားတွင် ဖိအားမများစေဘဲ ဌာနဖြတ်ကျော် ချိတ်ဆက်၍ "Check and Balance Mechanism" ကို အသက်ဝင် ထိရောက်အောင် တည်ဆောက်ရန်။

Requirements

B.Com, B.Act သို့မဟုတ် LCCI Level III အောင်မြင်ပြီးသူ ဖြစ်ရမည်။
ဘဏ္ဍာရေးနှင့် စာရင်းအင်းစီမံခန့်ခွဲမှု နယ်ပယ်တွင် အနည်းဆုံး (၃) နှစ်အထက် အတွေ့အကြုံရှိပြီး၊ Managerial Level ဖြင့် အနည်းဆုံး (၁) နှစ် အတွေ့အကြုံရှိရမည်။
Odoo ကဲ့သို့သော ERP စနစ်များကို အကျွမ်းတဝင်ရှိပြီး Data-driven Decision ချမှတ်ရာတွင် အသုံးပြုနိုင်သူ ဖြစ်ရမည်။
ဌာနစုံချိတ်ဆက်ဆောင်ရွက်နိုင်စွမ်း (Cross-functional Collaboration) ရှိပြီး၊ ပြဿနာများကို ရဲဝံ့စွာ ဖြေရှင်းနိုင်သော ခေါင်းဆောင်မှုစွမ်းရည် (Leadership Skill) ရှိရမည်။ စိန်ခေါ်မှုများနှင့် ပြဿနာများကို ရင်ဆိုင်ဖြေရှင်းရာတွင် ခိုင်မာသော တာဝန်ယူမှု၊ တာဝန်ခံမှု အပြည့်ရှိသူ ဖြစ်ရမည်။
လုပ်ငန်းလိုအပ်ချက်အရ ရန်ကုန်တွင် အခြေစိုက် တာဝန်ထမ်းဆောင်ပါက မန္တလေးမြို့ရှိ ရုံးနှင့် ဆိုင်ခွဲများသို့လည်းကောင်း၊ မန္တလေးတွင်ဖြစ်ပါက ရန်ကုန်မြို့ရှိ ရုံးနှင့် ဆိုင်ခွဲများသို့လည်းကောင်း (၃) လလျှင် အနည်းဆုံး တစ်ကြိမ် (Quarterly) မဖြစ်မနေ အလုပ်သဘောခရီး (Business Trip) သွားရောက် ကြီးကြပ်ကွပ်ကဲနိုင်ရမည်။
ရန်ကုန်နှင့် မန္တလေးမြို့များမှ စိတ်ပါဝင်စားသူများလည်း လျှောက်ထားနိုင်ပါသည်။

Benefits

ပြင်ပ' တက်သိပညာရှင်အဖွဲ့အစည်းများဖြင့် နိုင်ငံတကာ စီမံခန့်ခွဲမှု စံချိန်စံညွှန်းများနှင့်အညီ လုပ်ငန်းယန္တရားများကို အဆင့်မြှင့်တင် တည်ဆောက်နေသည့်ကာလ ဖြစ်ပါသည်။ ထို့အတွက် ပြင်ပ' တက်သိပညာရှင်များဖြင့် အနီးကပ် အလုပ်အတူတွဲဖက် လုပ်ကိုင်ရမည်။ ဥပဒေပါ အကျိုးခံစားခွင့်နှင့် လိုအပ်ပါက ကုမ္ပဏီ၏ စည်းမျဉ်းမူဝါဒအတိုင်း ကုမ္ပဏီအစီအစဉ်ဖြင့် ပြင်ပ သင်တန်းများ စေလွှတ်တက်ရောက်စေခြင်းတို့ကို ရရှိပါမည်။